વિધિબેન ઓડેદરાએ પ્રગટ કર્યું ‘વિચારોને તોડો જોડો’ પુસ્તક

બી. એચ. એમ. એસ.માં અભ્યાસ કરતાં જુનાગઢના ઓડેદરા વિધિ ભારાભાઇએ અભ્યાસ કરતાં કરતાં ‘વિચારોને તોડો જોડો’ નામનું સરસ પુસ્તક લખ્યું છે. જોઈએ વિધીબેનના જ શબ્દોમાં આ પુસ્તક અને તેમના વિશેની માહિતી…..

“સમસ્ત મહેર પરિવારના મારા બધા જ સભ્યોને નમસ્તે, મારૂ નામ વિધિ ઓડેદરા છે. હાલ હોમીયોપેથી મેડીકલ કોલેજમાં અભ્યાસ કરૂ છું. અભ્યાસની સાથે સાથે જીવનમાં સારા વિચારો પણ ખુબજ મહત્વના છે. તો આ વાત પર થી મે તમારી સમક્ષ નાનું એવું પુસ્તક રજુ કર્યુ છે. જેમનું નામ વિચારો ને તોડો જોડો છે.

            આ પુસ્તકનો મુખ્ય મુદો ‘‘ હકારાત્મક અને મેડિટેશન ’’ છે. અત્યારનો વ્યકિત માત્ર આ બંને શબ્દ થી જ પરિચિત છે. પરંતુ આ બંનેની ઉર્જા આપણા સ્વભાવ પર, ત્યારબાદ આપણા શરીર પર અને વાતાવરણમાં કઇ રીતે ઉપયોગી છે. તેમનો કોઇને ખ્યાલ નથી. તો આ બધુ આ પુસ્તકમાં લખવામાં આવેલું છે.

            ત્યાર બાદ વાત આવે છે ‘‘ અઘરા ’’ નામ ના શબ્દની તો ધણા ખરા વ્યકિત એવું કહેતા હોય છે કે આ વસ્તુ અઘરી છે. આપણાથી આ વસ્તુ થઇ ન શકે તો તેમના માટે મહત્વની એક વાત એ છે કે વસ્તુ અઘરી નથી માત્ર તમારા વિચારો જ અઘરા છે જે તમે વધુ પડતું વિચારીને અઘરૂ બનાવો છો તો એ યોગ્ય નથી. તો આ બધા માટે શું જરૂરી છે તે આ પુસ્તક માં લખવામાં આવેલું છે.

       મારા આ પુસ્તકનો નાનો એવો સારાંશ કહેતા હું આશા રાખુ છું કે તમારા જીવનમાં કયાંક મારી આ બુક નો પણ કોઇ એક મુદો પણ ઉપયોગી બનશે તેવી બધા ને શુભેચ્છા.”
– ઓડેદરા વિધિ ભારાભાઇ

નોંધ: આ પુસ્તક ની ખરીદી માટે ઈન્ટરનેશનલ મહેર સુપ્રિમ કાઉન્સિલ કાર્યાલય, મહેર વિદ્યાર્થી ભવન એરપોર્ટ રોડ માધવાણી કોલેજ સામે શ્રી રામ પેટ્રોલિયમ સર્વિસ રોડ પોરબંદર નો સંપર્ક કરશોજી.